[尿片分享]白p綠p有咩分別？
初初認識呢個大牌子時，只知道有白p的存在，參加左媽媽會送的試用裝有NB size 及S size 都係白p, 用過又幾好用所以一直由nb 碼用到s碼，直至早前Timtam仔要轉中碼的時候，去藥房買要p的中碼，佢問要綠p定白p? 我一時都唔知點答，因為一直冇用過綠p, 只聽過媽媽谷分享過話幾好用，問一問價錢，我好奇心作祟就買左綠p來試試！
後來發現綠p同白p原來係好有分別！馬上補做功課啦🤦🏻♀️以下是一些自己用過之後的小分享：
1. 尿片質感
首先，最大的分別係尿片質感！一直用開白p，白p標榜係特級棉柔，與綠p對比之下，綠p真係比較鞋身，有少少紙質的感覺（真係紙尿片😆）白p相對下就真係比較柔軟
2. 原產地
做左功課先知，原來白p原產地係日本，而綠p的原產地係中國
3. 氣味
大家都知尿片裡其實有化學成份去吸住尿尿，有水份時片片就會揮發一些化學的氣味，而呢種味係綠p就感覺比較強烈，不過我唸呢個比較個人的，因為我問老公，佢覺得冇咩分別🙄（佢同我一起去試婚紗時都話件件婚紗都冇咩分別😅)
4. 價錢
價錢其實都好重要架！一日用6-8塊真係好快用完一包！呢樣綠p終於取勝喇！以我自己係藥房買的價錢做例子，綠p一包$158有102塊，每塊$1.55，白p一包$170有84塊，每塊$2.02，將白p$2.02x102塊=$206，一包102塊，用綠p的話就慳左$48喇！
5. 厚薄設計
尿片中間的棉心厚度，我覺得兩款都差不多，不過綠p的棉心比白p長少少
總結，Timtam仔兩款都用過，touchwood兩款都冇紅pat pat敏感問題，一分錢一分貨，白p係貴但有質量，不過學我媽話，尿片不用太靚用完就掉，所以綠p價錢上亦都好優勝，所以如果對尿片沒有太高要求，其實綠p都很抵用的👍🏼
希望大家睇完我的分享，可以有更精明的選擇！如果生產商睇到，希望你地當一份意見調查黎睇，你地改良一下產品等我地消費者可以有更多選擇！
Search